O Concello contrata unha cuadrilla de limpeza de praias para o verán
Publicada o 15 de Xullo de 2006 en Medio Ambiente
O Concello de Mugardos acaba de contratar, ao abeiro dunha subvención da Deputación da Coruña, unha cuadrilla de cinco operarios que se encargará do mantemento ambiental das zonas costeiras do municipio durante os vindeiros tres meses. Entre os seus cometidos estarán a limpeza e retirada de lixo na praia da Bestarruza e en toda a ribeira, así como o mantemento dos espazos públicos costeiros en xeral.
