Inícianse os trámites da merca dun local para maiores
Publicada o 27 de Decembro de 2006 en Asuntos Sociais
A Concellaría de Asuntos Sociais comunica que na Xunta de Goberno Local celebrada este mércores 27 de decembro acordouse iniciar o proceso de adquisición, mediante concurso, dun local que será destinado a Centro Social de Maiores.
Os requisitos que deberá cumprir o devandito local é estar nunha das rúas do casco urbano (Avenida de Galiza e anexas), ter unha superficie mínima de 200 m2 e reunir as condicións legais de accesibilidade. O prezo máximo de licitación ascende a 190.000 €.
Tanto a concelleira de Asuntos Sociais, Margarida Corral, como o alcalde, Xosé Fernández Barcia, subliñaron que a merca do local, que responde a unha antiga reivindicación da poboación maior de Mugardos, dotará a este colectivo dun espazo propio onde desenvolver actividades, favorecendo a cohesión social entre as distintas xeracións, así como a participación e o grao de integración sociocomunitaria das persoas maiores.
