O Concello incorpora dez novos operarios durante seis meses
Publicada o 29 de Xullo de 2006 en Servizos, Medio Ambiente, Emprego
O Concello de Mugardos acaba de reforzar o seu cadro de persoal coa incorporación de dez novos operarios, durante un período de seis meses, ao abeiro dunha subvención para o fomento do emprego recibida da Consellaría de Traballo da Xunta de Galiza. Estes dez operarios, que comezarán a súa actividade o día 1 de agosto, dedicaranse a un programa de acondicionamento de viarios, pintados e mellora de edificios municipais, así como á mellora de todo tipo de servizos de utilidade colectiva. Trátase de dous oficiais de primeira albaneis, dous oficiais de primeira pintores, dous peóns de obras públicas e catro oficiais de terceira albaneis. Evaristo Deus, concelleiro de Emprego, quixo subliñar a importancia que para o Concello ten poder contar con este importante reforzo, ademais do beneficio que isto supón para os demandantes de emprego contratados.
