A Oficina de Turismo abrirá durante o verán
Publicada o 12 de Xullo de 2007 en Turismo
A Concellaría de Turismo comunica que a Oficina de Información e Turismo de Mugardos abrirá desde o día 13 de xullo até o 30 de setembro de 2007, co seguinte horario:
- Mañás: de 12:00 a 14:30 horas
- Tardes: de 17:15 a 21:00 horas
Permanecerá pechada os luns e martes pola mañá.
A oficina sitúase na Casa do Reloxo, no peirao, por ser o punto de maior afluencia de visitantes.
A función da OIT é a de promocionar e informar sobre todos os atractivos turísticos que ofrece Mugardos, como son a súa gastronomía, festas, actos socioculturais, paisaxes, organización de xornadas, etc. Fornécese así mesmo información doutras vilas de interese da comarca e do resto de Galiza.
