Comezan as obras das beirarrúas da Pedreira
Publicada o 17 de Outubro de 2006 en Obras
A Concellaría de Obras comunica que este martes 17 de outubro deu comezo a construción de beirarrúas no tramo da AC-133 comprendido entre Mugardos e Rilo, logo de que a semana pasada fose asinada a correspondente acta de replanteo polo alcalde, o enxeñeiro da Xunta e os responsábeis da empresa adxudicataria. O prazo de execución das obras é de cinco meses.
Segundo o compromiso adquirido pola Consellaría de Política Territorial perante o Concello, en breve iniciarase tamén a mellora do tramo Rilo-Franza. É igualmente intención da administración autonómica que o tramo A Gallada-Limodre poida estar contratado antes de que remate o 2006.
